【Mami Wailo】

【Mami Wailo】

(讀者來稿)

【生仔要考牌 湊孫都要考牌】

最近搬近左老爺奶奶屋企，多左上去食飯，果然真係有距離嘅關係比較和諧，而家見得多就樣樣都睇唔順眼。譬如衛生情況差，會著住出街嘅鞋入屋，平時又完全唔執屋，冬天嘅衫都仲堆左喺地下，從來未見過拖地，煮嘅餸多鹽多油高脂等等。但係基於佢地始終係BB嘅爺爺嫲嫲，我都係有忍耐照帶阿仔上去。

但係而家佢地嘅行為係完全影響埋我個仔，譬如用抹枱布去抹BB嘅玩具，話佢食奶嘴點樣唔好，命令式叫佢唔好食搞喊BB，而家先就快一歲慢慢同佢戒緊，做阿媽都未心急，佢地急咩？最近有次我去廁所出返嚟，見到老爺比落重鹽嘅蒸南瓜阿仔食，我即刻解釋小朋友個腎未頂得順鹽，佢就黑面話我太緊張，以前都係咁湊大我老公。無奈地講完又講佢地都係照做自己，真係湊孫都要考牌，何況都唔係叫佢地湊，只係上去一陣都有咁多驚嚇。

Mami Wailo

#天機

#HKWisdom