【Mami Wailo】

【Mami Wailo】

(讀者來稿)

你地好，我係未婚媽媽今年30歲，男朋友大我2年，已經拍拖8年，懷孕30週，不過大家一直都無共識要結婚。因為男朋友經濟狀況一般，份糧只係夠養佢自己，而家仲係同緊屋企人住，人生最大興趣係踢波、打機，對成家立室、生小朋友零興趣。今次有咗係意外，我覺得係緣份，想生出嚟，男朋友話如果我可以獨力照顧BB嘅話佢唔介意。我都覺得結婚唔代表就可以一世，況且我經濟能力都可以照顧到BB，所以商量完決定生。

最近，我同男朋友開始討論BB叫咩名，我就話想BB跟返我姓，佢竟然呢個時候同我講想跟傳統，話BB應該跟爸爸姓。由始至終佢都係認為生唔生個小朋友係我自己決定，佢唔想困身負責任，我都尊重佢。由產檢到買嬰兒用品都係我自己比錢，佢只係間中陪我，完全唔覺得BB係佢有份，咁都好意思講BB要跟佢姓。因為咁我地冷戰咗幾日，呢兩佢啊媽知道咗，即刻係咁打比我，話要我地結婚，BB要跟返爸爸姓。無論物質定係精神上，男方都唔係好想付出，我更加堅定應該咁做，同埋呢件事體現到佢永遠都唔會做到一個成熟可靠既男人，所以我決定同佢分手。

Mami Wailo

#天機

#HKWisdom