【Mami Wailo】

【Mami Wailo】

(讀者來稿)

各位媽媽你地好！我個細女讀緊K3，今年就會升小一，其他同學仔媽咪已經講緊準備一份叩門用嘅個人檔案要寫咩落去，學緊啲咩、拎過咩獎，有位家長嘅小朋友直頭成個星期每日都學緊唔同興趣班，佢問我個女學咗咩興趣班，我就話：「我小朋友淨係有興趣學畫畫同跳舞，無催谷佢上其他興趣班。」結果比個家長話「兩樣咁少？咁細個就咁懶唔得架。」

絕對唔係懶唔懶嘅問題，只係香港個個家長都有競爭心態，睇人地仔女學得多野，自己又唔執輸要塞滿哂小朋友嘅時間表，而且佢大個就大把書要讀，唔想佢咁細個已經唔係玩而係學呢樣個樣，無咗個開心嘅童年，就算學得多都唔代表叻，興趣班嘅原意係興趣。純粹呻下，大家嘅小朋友又上緊幾多興趣班？

#MamiWailo #天機 #HKWisdom