靈異事件簿＃靈異巴士

話說我老友當年， 駕駛XX巴士公司，荃灣去新界區，我老友話現在提起件事都會有心寒嘅感覺，聽我老友講想當年XX字教車師傅已經說過如果有人按鐘，正式嚟講有無人落車都要打開度門會比較好啲。

話說某年冬天其中一晚佢揸尾班車，當年係冬天，喺站頭上車大約有四五個人，沿途有上有落，落到最後一個，突然有人按鐘，我老友心想莫非仲有人瞓着覺唔記得落車，心打素明明應該已經落曬車㗎啦，點解仲有人撳鐘呢，或者可能數錯，總之唔理，師父教落有人撳鐘到站就要開門，之後巴士埋站開門，突然有一陣風喺後美枕吹過，然後，有把女聲講：「唔該晒」嚇到佢9秒9即刻關門、開車到總站

當時總站得佢一個人一架車，越諗越心寒，一陣又要行返頭先條路點算呢，會唔會見到啲乜嘢呢，越諗越驚，但係心想我都係幫佢啫，見到差不多時間就開車，心入面乜嘢都唔諗，然後用9秒9速度，好快速咁行過頭先段路，一路行一路行，開始見到啲車，跟住到鑽石山，個心在開始定番。之後佢再揸夜更巴士，好在都無再發生什麼事。

佢話唔知有無關係， 響呢件事發生之前， 又乘客漏咗個骨灰龕響佢架巴士上， 之後佢小心保存等個失魂乘客返嚟自己攞返。