【正視高鐵站的危險位置】

今次搭高鐵係星期日回港高峯期嘅時候返嚟，發現咗啲非常嚴重同危險嘅問題，希望當局可以跟進一下。

1）當車停站後，全部人要從月台擠擁上一條非常窄同細的扶手電梯，人流梳通非常慢，令大家都有少少心急推進都算⋯最恐怖，條電梯中間有個位要落，幾步路再連接到另一條再繼續上。結果好多人係又迫又人多、又有大細行李無咩空間嘅情況下，去到嗰個位都「卡」住咗，但最恐怖後面又不停有人升緊上嚟，結果有啲人向前跌。我手快即刻扶起我前面跌低咗個女人，才不免發生人疊人甚至人踩人事件。但如果係一堆身手唔敏捷嘅老人家呢？相信已經發生人踩人的意外。

2）而家回港出境時還要掃內地健康申報碼，大家唔明其實都出境，內地還要申報什麼？結果為這，站內出現大型人龍。最慘排隊地型有某個位又要由濶變窄，結果出現非常擠擁和大家輕微推撞情況，對老弱婦孺這裡亦隱藏危險。

希望地鐵公司和政府盡快改善問題，否則極大機會會發生意外。

(本版文章為作者之個人意見，不代表本報立場)