避暑好去處-廣州熱雪奇蹟

夏天熱辣辣，想出去玩但又唔想喺條街曝曬搞到大汗疊細汗，最好梗係留喺室內歎冷氣，但黎黎去去都係行商場嫌無聊? 最好梗係搵個weekend快閃一個短Trip玩吓兼避暑。廣州熱雪奇蹟就岩晒啦! 廣州熱雪奇蹟係2019年開幕，滑雪場劃分2大主要區:滑雪區及娛雪區，佔地面積達7.5萬平方米，場內設有不同難度的滑雪道及冰上活動，新手或老手都有玩樂選擇！

滑雪場座落廣州花都區嘅廣州融創文旅城，由市區去滑雪場大約約1小時車程，想去廣州熱雪奇蹟滑雪，參考以下面睇下點去啦!

中港通巴士

搭環島中港通巴士係香港出發，大約坐3至4小時到花都新世紀酒店落車，之後轉乘的士，約15分鐘就可到達滑雪場，而且環島中港通巴士上車點比較多，全港都有上車點，相對較為方便。

高鐵

西九龍高鐵站上車去廣州東站，再轉乘高鐵去廣州北站，係廣州北站轉的士去滑雪場，全程大約為2小時，而車費相對稍高，但車程時間短。

門票

門票以滑雪道的難度劃分為初級及高級，初學者可以買初級滑雪門票，港幣$367玩3小時，可以使用入門級及初學級滑雪道。高級滑雪門票則可以在中級及高級滑雪道玩4小時，門票港幣$414。而門票已經包咗滑雪服、滑雪鞋、頭盔、滑雪板及使用自動電梯，唔擔心無裝備滑雪。

滑雪滑到悶，可以去娛雪區，有冰上遊樂活動，包括冰凍星球、飛躍冰川、雪上飛碟、冰上碰碰車、冰上自行車、探驗步道等。