吉隆坡旅行靈異事件簿

事件發生在六年前左右，係我哥哥親身經歷，當年哥哥與同事一齊去吉隆坡工幹，住假XX酒店，哥哥與同事各住一房，哥哥佢入住酒店習慣係先敲一吓門，入去會話唔好意思打攪住幾晚，佢話萬試萬靈從來無事無幹。但佢同事習慣係喜歡拎哂d佛珠，心經，住酒店，一入去就放哂係牀邊枱頭好誇張。我哥巳告誡過佢，你咁即係撩交打，唔係咁好，佢話比左錢住嘛！洗乜打招呼咩！咁多嘢唔打得都嚇得。據說當日佢哋執好曬啲行李，之後佢哋就去開會，應酬完好夜先返到酒店，佢哋各自回房睡覺。

當晚我哥沖完涼，突然聽到隔離房個同事嗌哂救命！好慌張咁過去拍我哥道門，我哥開門見到佢面都青晒！係咁話有鬼！有鬼！我哥行去佢間房見到啲燈閃下閃下，問佢發生乜嘢事？

當時佢同事講佢頭先沖完涼，諗住上床瞓覺，一訓低就見到有個八呎高既黑影由窗行入黎，停係電視機上面，佢話感覺係有野好兇惡咁望住佢，之後佢就不慌不忙起身係床上打坐，一手打開本金剛經，揸喺手，再念念有詞，佢話真係諗住同佢隻揪打過，但念到一半，有一把低沉嘅女人聲，360度還回立體聲咁圍住佢講(哈....廢話!)(廢話!)(廢話!)........(哈......廢話!)......(廢話!)而佢手上既心經無端端分開咗一半，而側邊串佛珠同金剛經一様分開斷咗，間房好似好大風，啲紙張滿天飛，全間房啲櫃桶開完又閂閂完又開拍拍聲連塊鏡都爆左，佢話當時已經唔識反應，9秒9就出門口，去拍門叫救命！

嗰晚佢同事就係我哥那面邊瞓一直到第二朝，據我哥講第二日見到佢同事面青口唇白而且仲發緊高燒添，嗰日我哥走落去大堂，話間房有問題，叫佢換咗間房佢，Reception諗都唔諗換咗比佢地，仲送左疊餐廳飲食Coupon佢地，之後我哥叫佢以後住酒店有禮d，唔好咁寸。不過據我哥哥講奇怪果隻嘢連心經同金剛經都唔怕，應該好厲害。