清邁旅行靈異事件簿

大約係2012年暑假，全家人跟團去泰國旅行，嗰陣時d行程又多數係廟吖寺果啲，難得有晚酒店樓下有d小販檔，就同左我吖妹兩個自己落去食d小食。

果晚瞓覺發左兩個惡夢，兩個都同個枕頭有關，其中一個夢係有個阿叔丟左個枕頭落地下係咁鬧 (但聽唔明佢鬧咩) ，另一個夢係個枕頭附近有血寫住啲無意思既英文單字。

第二朝一起身就開始嘔，連早餐都無落去食，嘔完將個枕頭丟左落地就訓左陣，再起身又再開始嘔，但成團人已經要出發，就梗硬上車，中途有個團友比左兩粒正露丸，食完都無用都係係咁嘔，幾乎連兩粒丸都嘔埋出黎。

咁果日第一個景點又係寺黎，個導遊講到個寺好靈，話有一團旅行團去完個寺參拜，第日撞車但成團人都無事咁，咁我老母聽到之後立即就叫我吖妹扶我上去拜一拜，當時真係覺得好唔掂，除咗嘔仲頭暈暈，總之就係周身唔聚財，我感覺到我係比果啲野纏住。

咁我吖妹本身係天主教唔信其它宗教，就求其帶我行左個圈，咩都無拜就出返黎，我老母出黎果時見我仲係無咩好過咁，仲問我吖妹有無帶我上去認真拜，阿妹話唔知喎，帶咗佢上去，佢有冇拜唔知佢喇，我老母即刻爆跟住就鬧我阿妹。

鬧完我阿妹，我老母同幾個團友就帶左我上個寺到拜，咁佢有個位係有個好老既僧人，用啲唔知係咪聖水既野，潑落我個頭到，又用一條紅色都幾粗嘅繩綁落我隻手度，之後就念經大約有十五分鐘，跟住咁比佢攪之後 ，一出返戶外個人感覺到輕左勁多，我感覺到成條頸都鬆曬，之後到晏d就食飯再嘔多左一轉，個人就完全無事又開始食番啲嘢就精神返曬。

返到香港之後，我老母話返比我聽，果日行上廟果陣，我個人愈行就愈重，好似禁住我老母唔比佢帶我上去咁，同團有團友都見到你唔對勁，一齊幫手拉你入廟，搞咗好耐你先入到去畀個法師幫你念經。嗰次就係我一生人第一次撞鬼嘅故事了。