皇后山之旅

今次要介紹嘅係皇后山印度廟同皇后山軍營。皇后山印度廟要去其實一啲都唔難，首先搵咗流水響布格仔公廁，面對住公廁嘅左手邊，會有絲帶提醒你入口位置。大家要先穿過鐵絲網，然後沿鐵絲網一直行。大家一定要記住係沿鐵絲網行，千祈唔好跟絲帶，因為有啲絲帶會係另一條上山/落山路線嘅提示。鐵絲網嘅路線微斜，仲有啲碎石，而鐵絲網嘅另一邊就係皇后山公營房屋，沿鐵絲網行5分鐘就會去到皇后山印度廟！

至於皇后山軍營，係喺皇后山印度廟嘅後面，會有一個簷篷，沿簷篷行，再上20級樓梯左右就會去到皇后山軍營喇！皇后山軍營原本為駐港英軍營房，回歸後，曾改建為警犬隊總部、調查訓練學校同警察康樂中心。直至2003年新嘅警犬隊總部成立，就丟空至今。

要行山又想有軍事風嘅打卡景點，皇后山係幾好選擇!